აივანი ბევრ ქვეყანაში დიდი პოპულარობით სარგებლობს, თავისი სხვადასხვა ფუნქციით. ასევე, ფართოდ გამოიყენება ბევრ თეატრალურ სპექტაკლსა თუ ფილმში. მაგალითად, კლასიკურ ,,რომეო და ჯულიეტაში”, ან თუნდაც უამრავ ზღაპრსა და მოთხრობაში, გმირები აივანს ნებისმიერი მიზეზის გამო იყენებდნენ.
ტექნიკურად რომ ვთქვათ, აივანი არის პლატფორმა, რომელიც ვრცელდება შენობის კედლიდან, ის ეყრდნობა კონსოლის ფრჩხილებს ან სვეტებს და შემოსილია მოაჯირით.
ძირითადად ორი ტიპის აივანს ვხვდებით: კედლიდან გამოწეულსა (მალტის აივანი) და ისეთს, რომელიც არ არის კედლიდან გამოსული (ჯულიეტას აივანი). გარდა ამისა, აივანს მრავალი ფუნქცია აქვს, როგორც საზეიმო მიზნების გამოყენებისთვის ისე ჩვეულებრივი.
აივნის გაფორმება არც ისე რთულია, თუკი თქვენ გამოიყენებთ თქვენს კრეატიულობას, უნარსა და წარმოსახვას, რომ აივანი გადააქციოთ სასარგებლო ნივთად.
გთავაზობთ რამდენიმე ბრწყინვალე და ფერად იდეას, რომელიც შეგიძლიათ გამოიყენოთ აივნის დეკორაციისას, რათა შეძლოთ მისი გამოყენება თბილ და მზიან ამინდში:
- მზიან დღეებში შეგიძლია თქვენი აივანი ყვავილების ყუთად გასააქციოთ, ყვავილებით და სხვა დეკორატიული მცენარეებით აავსოთ. თქვენ ასევე შეგიძლიათ დაამატოთ პატარა კალათები, სადაც შეგიძლიათ მოგვიანებით მოათავსოთ თქვენთვის სასურველი სასმელი ან წასახემსებელი.
- თუ თქვენ აპირებთ აივნის გემბანის, საპირის ან პანელების რეტუშირებას, უბრალოდ ხელახლა შეღებეთ მოაჯირი. თუ ძველი საღებავი გაცვეთილია, მაშინ უკვე დროა მოაჯირის ხელახლა შეღებვაზე იფიქროთ. თუმცა, სანამ ხელახლა შეღებავთ, ჯერ გააცალეთ ძველი საღებავი. შემდეგ მოაჯირზე მცენარეები და ყვავილები დაამატეთ. თქვენ ასევე შეგიძლიათ გამოიყენოთ ხელოვნური მცენარეები, თუ არ გსურთ ან არ შეგიძლიათ ცოცხალ მცენარეებზე ზრუნვა.
- აივნის მოსაწყობად კიდევ ერთი იდეა არის იატაკი, რომელიც უნდა შეესაბამებოდეს თქვენი აივნისა და მთელი სახლის ინტერიერს. ექსპერტები ვარაუდობენ, რომ შესაბამისი იატაკი უნდა იყოს ბაღის პარკეტი. ამ იატაკის დადებითი მხარე არის ის, რომ მათი მოხსნა შესაძლებელია ნებისმიერ დროს, როდესაც იატაკის დიზაინის შეცვლას მოისურვებთ. თუ აივანზე კრამიტიანი იატაკი გაქვთ, უბრალოდ დაუმატეთ ხალიჩა, რომელიც თბილ და ამავდროულად სასიამოვნო გარემოს შექმნის.
- ჰამაკის ან საქანელა სკამის განთავსება აივანს დამამშვიდებელ ეფექტს მატებს. ამ ავეჯის გამოყენება განსაკუთრებით სასიამოვნოა მზიანი ამინდის დროს.
ავტორი: ანი დავიდიანი
მასალის გამოყენების პირობები
