როგორ ვაქციოთ ბუხარი ინტერიერის ცენტრად? – რამდენიმე საინტერესო რჩევა

შეიძლება ითქვას, რომ თქვენ ძალიან გაგიმართლათ თუ მისაღებ ოთახში ბუხარი გაქვთ, რადგან ბუხარი არის შესანიშნავი ცენტრი ან მნიშვნელოვანი წერტილი ინტერიერში. მთავარი კი ის არის, თუ როგორ მოაწყობთ მას, რაც ხშირ შემთხვევაში, ყველაზე დიდ გამოწვევას წარმოადგენს. სწორედ ამიტომ, დღეს რამდენიმე საინტერესო რჩევას გაგიზიარებთ იმისთვის, რომ თქვენი მისაღები ოთახი ელეგანტურად გამოიყურებოდეს.

აქციეთ ბუხარი ოთახის ცენტრად

თუ თქვენი ბუხარი მისაღები ოთახის კედელთან არის განთავსებული, მოათავსეთ ავეჯი მის გარშემო. არ მოაწყოთ ოთახი ისე, რომ ბუხრის ნაწილი დაიჩრდილოს და თვალისთვის შეუმჩნეველი დარჩეს. ამის მისაღწევად ყველაზე მარტივია მრგვალი დივნებისა და მარტივი, სადა ავეჯის გამოყენება.

ამ ყველაფერთან ერთად, ნუ დაივიწყებთ ბუხრის ფუნქციურ დანიშნულებასაც. თუ თქვენ მის გამოყენებას ხშირად აპირებთ, დარწმუნდით, რომ ის ადვილად ხელმისაწვდომია, რათა მომავალში გაწმენდა არ გაგირთულდეთ. ამიტომ, ნუ მოათავსებთ ავეჯს ზუსტად ბუხრის წინ და გაითვალისწინეთ შეშის შესანახი ადგილიც.

შეარჩიეთ მინიმალისტური დეკორი

თუ გსურთ დახვეწილი და სადა მისაღები ოთახი, მაშინ დეკორიც მსგავსი უნდა შეარჩიოთ. დააბალანსეთ ინტერიერი დამატებითი ფერებით და გააფორმეთ ბუხარი ისე, რომ ის გამოიყურებოდეს თვალისთვის მიმზიდველად, თუმცა არა გადატვირთულად.

დამატებით საინტერესო ატმოსფეროს შესაქმნელად გამოიყენეთ განათება სანათების, სანთლებისა და სხვა საშუალებების სახით. გაითვალისწინეთ, რომ ამგვარ დეკორს ძალიან დიდი სიფრთხილით შერჩევა სჭირდება, რათა სივრცე ქაოსური არ გახდეს.

ნუ დაემორჩილებით სიმეტრიის წესებს

რა თქმა უნდა, ბუხარი, როგორც ოთახის ცენტრი, ძალიან საინტერესოა, როდესაც მის გარშემო არსებული ავეჯი და ნივთებიც სიმეტრიულად არის დაბალანსებული, მაგრამ ხშირად ელეგანტურ და თანამედროვე განწყობას სწორედ არასიმეტრიული ინტერიერი ქმნის. ეს განსაკუთრებით სასარგებლოა მაშინ, როდესაც ოთახის ზომა არც ისე დიდია.

იყავით შემოქმედებითი

თუ თქვენ გაქვთ საკმარისად დიდი კედელი, შეგიძლიათ მის გარშემო თაროები დაამაგროთ და სხვადასხვა დეკორაციების დახმარებით გააფორმოთ. ამ გზით აქცენტს კედელზე გააკეთებთ, მაგრამ ყურადღებას აუცილებლად მიიპყრობს ბუხარიც. ჩაშენებული სივრცეებით იქმნება განსხვავებული და მრავალფეროვანი ინტერიერი, რომელიც უხდება როგორც კლასიკურ, ასევე თანამედროვე სტილსაც.

მოაწყვეთ U-ფორმის ინტერიერი

თანამედროვე ინტერიერში ასეთი მეთოდის გამოყენებით იქმნება მაქსიმალურად მყუდრო და კომფორტული გარემო, რომლის ცენტრსაც ბუხარი წარმოადგენს. ასეთი განლაგება ქმნის მშვიდ და წყნარ გარემოს, რომელიც იდეალურია ცივ დღეებში თბილი სახლის შესანარჩუნებლად.

გამოიყენეთ ბუხარი თბილი ატმოსფეროს შესაქმნელად

დიდი ზომის მისაღები ოთახი შეიძლება ხშირად ძალიან “ცივად” გამოიყურებოდეს, რადგან ავეჯსა და ცალკეულ სივრცეებს შორის ბევრი ცარიელი ადგილი რჩება. ამ დროს მყუდრო და თბილი აქცენტების დამატება საკმაოდ რთულია, სწორედ ამიტომ ინტერიერის დიზაინერები გვირჩევენ ბუხრის სიახლოვეს კომფორტული დასასვენებელი ადგილის მოწყობას. იმისთვის, რომ ბუხარი უფრო მყუდრო იყოს, გამოიყენეთ ისეთი მასალა, რომელიც სითბოსთან კავშირის გრძნობას ქმნის, მაგალითად, ბუნებრივი ქვა ან აგური. სათანადოდ მოწყობის შემდეგ, წაახალისეთ ოჯახის წევრები, რომ შეიკრიბონ ბუხრის გარშემო და ჩაერთონ ოჯახურ თუ მეგობრულ აქტივობებში.

დაამატეთ სარკე ბუხრის ორივე მხარეს

ბუხრის ირგვლივ დეკორაციების დამატების ერთ-ერთი პოპულარული გზაა ე.წ. „3+1“ ხრიკის გამოყენება. ეს ნიშნავს ვიზუალური ინტერესის შესაქმნელად სხვადასხვა სიმაღლის ელემენტების განლაგებას. ამ შემთხვევაში, შეგიძლიათ ბუხრის თავზე კედლის ნახატი, მის გვერდებზე კი დიდი ზომის სარკეები დაკიდოთ. ამ მეთოდს ერთზე მეტი ფუნქცია აკისრია და ის არა მხოლოდ ოთახის იერსახესა და მთლიანობას ქმნის, არამედ უზრუნველყოფს სივრცეში ბუნებრივი სხივების შემოსვლასაც, რაც სივრცეს უფრო დიდსა და ნათელს ხდის.

ჩაანაცვლეთ ტელევიზორი

რა თქმა უნდა, ბუხრის ზემოთ ტელევიზორის განთავსება შეიძლება ძალიან კომფორტული და თანამედროვე გადაწყვეტა იყოს, მაგრამ ამ გზით შორდებით ოჯახსა და მეგობრებს და ყურადღება გადაგაქვთ არა მყუდრო გარემოში მათთან საუბარზე, არამედ ტელევიზორის ყურებაზე. ტელევიზორს ასევე შეუძლია დაჩრდილოს თქვენი ინტერიერიც. ამის ნაცვლად, შეგიძლიათ ის კედლის მიმდებარე სივრცეში მოათავსოთ, უშუალოდ ბუხრის თავზე კი ნახატები ან სხვა დეკორაციები დაკიდოთ.

წყარო:https://www.homeis.ge

SheniInterieri.ge

#drpkhakadze

READ  ინტერიერის დიზაინის საუკეთესო ბლოგები 2024 წელს

See Full Bio