თუ თქვენ ლეპტოპს (იგივე ნოუთბუქს) იყენებთ, როგორც ძირითად კომპიუტერს და მუშაობთ მჯდომარე მდგომარეობაში მაგიდასთან, მაშინ აუცილებელია შეიტანოთ ზოგიერთი კორექტივები:
- ნოუთბუქთან მუშაობისას გამოიყენეთ უკაბელო მაუსი და კლავიატურა;
- ნოუთბუქი მოათავსეთ მაგიდაზე ან სადგამზე ისე, რომ შესაძლებელი იყოს ეკრანის აწევა სასურველ სიმაღლემდე;
- აუცილებლად უნდა შეარჩიოთ მონიტორსა და თქვენ შორის სასურველი სიმაღლე და მანძილი.
- იმისთვის რომ შევინარჩუნოთ სწორი ჯდომის მანერა და თავის და კისრის მდებარეობა კომპიუტერთან ჯდომისას, აუცილებელია მონიტორის ეკრანის ზედა ნაწილი იყოს თვალის დონეზე ან ოდნავ ქვემოთ.
- გარდა ამისა, მონიტორი უნდა მდებარეობდეს დაახლოებით გაშლილი ხელის მანძილზე თქვენი სახიდან.
თქვენ უნდა დაარეგულიროთ მონიტორის მდებარეობა ინდივიდუალურად, რათა ჩვენებისთვის და ფოკუსირებისათვის იყოს კომფორტული. მაგ.: თუ ხმარობთ ბიფოკალურ სათვალეს და უყურებთ ეკრანს მინების (ლინზების) ქვედა ნაწილიდან, მაშინ მონიტორი უნდა მოათავსოთ რაც შეიძლება ქვემოთ და მანძილი თქვენსა და მონიტორს შორის გაზარდოთ.
თავიდან უნდა ავიცილოთ ისეთი მდებარეობა, როცა თქვენ გიწევთ თავის მობრუნება და კისრის დახრა, რომ შეხედოთ მონიტორს. მიუხედავად იმისა, თუ რა სახის მონიტორს იყენებთ, დარწმუნდით, რომ მონიტორის სიმკვეთრე, კონტრასტულობა და ა. შ. შერჩეულია კომფორტული ჩვენებისთვის. მონიტორის სუფთა მდგომარეობაში შენახვა ასევე ხელს შეუწყობს თქვენი ვიზუალური კომფორტის გაუმჯობესებას.
რჩევა საქართველოს ერგონომიკის ასოციაციისგან, რომლის ხელმძღვანელიც ჯანდაცვის მსოფლიო ექსპერტი, გიორგი ფხაკაძეა.
