ფენგ-შუი ერთ-ერთი ყველაზე მნიშვნელოვანი სწავლებაა, რომელიც გამოიყენება სახლის მყუდროდ დაგეგმარებაში. დიზაინერების უმრავლესობამ კი არც იცის მის შესახებ… ექსკლუზიურად sheniinterieri.ge-ს მკითხველს ინტერიერის დიზაინერი, ნინო პაიჭაძე პროფესიონალურ რჩევებს უზიარებს:
რა არის ფენგ შუი?
პირდაპირი მნიშვნელობით ეს არის „გზა, რომელსაც წყალი და ჰაერი გადის“. ის ბუნების ანარეკლია… “ფენგ” ნიშნავს ქარს და “შუი” წყალს. კონცეპტი არის აღებული უძველესი პოემიდან, რომელიც მოგვითხრობს – როგორ არის ადამიანების გზა დაკავშირებული და შერწყმული მის გარესამყაროსთან.
ფენგ-შუი არის პრაქტიკა, თუ როგორ შევქმნათ ბალანსი საცხოვრებელ სახლში ნატურალური მასალებით. მისი მიზანია, სწორი განლაგება… სახლში ჰარმონიის და სიმყუდროვის შექმნა.
ეს არის გეგმარების ძალიან მნიშვნელოვანი ნაწილი. მაგალითად, სამუშაო მაგიდა, ჩათვალეთ, არის თქვენი კარიერა. ლოგინი კი – თქვენი ძალების აღდგენისა და პირადი ურთიერთობების ადგილი… სამზარეულოს გაზქურა – თქვენი შემოსავალი და კეთილდღეობა.
სახლის ცენტრი კი არის ჯანმრთელობის ზონა და არ უნდა იყოს დატვირთული.
ყველაზე მარტივად რომ ავხსნათ, ეს მიმდინარეობაა, მაგრამ სულაც არ ნიშნავს, რომ ის მარტივია. ეს ცოდნა წლების მანძილზე ისწავლება და ერთ ერთი მნიშვნელოვანი ასპექტი ამ ცოდნის სიტყვიერი მეთოდით გადაცემას გულისხმობს.
კეთილდღეობა, კარიერა, შვილები, ჯანმრთელობა, სიყვარული…თითოეულს აქვს თავისი სექტორი და ასევე 5 თვისება:
1.ფორმა 2.ფერი 3.სეზონი 4.ციფრი 5.ელემენტი (ქვა, მეტალი, წყალი, ხე , ცეცხლი)
ბაგუა
ეს არის სახლის რუკა, რომელზეც ნაწილდება 9 ერთმანეთისგან განსხვავებული სივრცე, რომლებზეც არი 9 სხვადასხვაგვარი ენერგია. ბაგუას ცენტრში არის მე-9 ელემენტი, რომელიც ხართ თქვენ ან თქვენი სახლი და თქვენი ჯანმრთელობა.
ამიტომაც არის, რომ ხშირად ვამბობთ: “ჩემი სახლი ჩემი ანარეკლია”…
ბაგუას გამოყენების ყველაზე მარტივი გზა არის ავირჩიოთ სამი ძირითადი ენერგია, რომელსაც გვინდა ყველაზე მეტი ყურადღება დაეთმოს.
1.ოჯახის 2.ბარაქის 3.ჯანმრთელობის 4.დამხმარე ხალხის 5.ბავშვების 6.ცოდნის 7.დიდების 8.კარიერის 9.ურთიერთობის
მათი განაწილება ხდება თქვენი და თქვენი პარტნიორის ან მაცხოვრებლების პირადი კუას ციფრებით, რისთვისაც უკვე სპეციალისტს და ინტერიერის დიზაინერს უნდა მიმართოთ.
აქვე შევეცდები, მოკლედ და მარტივად გაგაცნოთ რამდენიმე წესი, რომელიც უნდა გაითვალისწინოთ სახლის გეგმარებისას:
მოსასვენებელი კუთხე უნდა იყოს ყოველთვის, მშვიდ და წყნარ მხარეს, სასურველია ფანჯრიდან ჩანდეს ბუნება. კარგია, თუ იქნება სიყვარულის სექტორში ან კუათი ან ბაგუით.
კარი არასოდეს არ უნდა იყოს საწოლის პირდაპირ ამას ეძახიან “კუბოს პოზიციას”. არც ლოგინის გვერდზე ან თავთან ეს მკაცრი შეცდომაა და თქვენი ენერგიის გადინებას გამოიწვევს. სასურველია კარი იყოს ყოველთვის საწოლის დიაგონალზე, ასევე სასურველია არ იყოს სარკე საძინებელში და განსაკუთრებით მნიშვნელოვანია რომ საძილის სარკე არ უყურებდეს ლოგინს.
საძინებლის დაგეგმარებისას შეეცადეთ, ყველა დეტალი განმეორდეს ლოგინის გვერდებზე სიმეტრიულად, რათა არ გამოიწვიოს დისბალანსი ურთიერთობაში. მაგ: ორი მაგიდის სანათი, ორი ტუმბო, ორი დეკორი.
საძინებელში არ უნდა იყოს ტელევიზორი. ტუალეტი არ უნდა ემიჯნებოდეს ლოგინის კედელს და არც პირდაპირ საწოლისკენ არ უნდა იყოს მიმართული თუნდაც საწოლს და ტუალეტს შორის გქონდეთ კედელი, ეს მაინც მნიშვნელოვანია. საწოლის თავი ყოველთვის იყოს მყარ კედელზე, მოერიდეთ ფანჯრებს თავის უკან.
სასურველია, ლოგინის თავი იყოს მომრგვალებული ან რბილი კუთხეებით. და ასევე ლოგინი არ უნდა იყოს ცალ მხარეს კედელზე მიყრდნობილი.
ბედნიერ დაგეგმარებას გისურვებთ! თუ გსურთ შეისწავლოთ ეს და სხვა მრავალი ინფორმაცია, თვალი ადევნეთ sheniinterieri.ge-ს და ასევე ჩემს გვერდს – Nino Paichadze Design.
სტატია sheniinterieri.ge-სთვის მოამზადა ინტერიერის დიზაინერმა, ნინო პაიჭაძემ ✨️
#drpkhakadze #gochadze #sheniinterieri
QR კოდი
სტატიის ციტირება
შენი ინტერიერი. (2024). ფენგ-შუის მნიშვნელობა დიზაინში. 6 მარტი, 2024. https://sheniinterieri.ge/nino-paichadze/
