თუ ინტერეიერში ცვლილებების შეტანა გადაწყვიტეთ, ბაზარზე არსებულმა ფანჯრების სტილის მრავალფეროვანმა არჩევანმა შესაძლოა, თავბრუ დაგახვიოთ, თუმცა გირჩევთ არ დაიბნეთ, რადგან ფანჯრები დიდ როლს ასრულებს ინტერიერის დიზაინის საერთო წარმატებაში.
ფანჯრის სტილი მოქმედებს თქვენი სახლის არქიტექტურაზე და ამასთან იმ დეკორატიულ სტილსაც ქმნის, რომლის დანიშნულება საცხოვრებელი ოთხების იერსახის გაუმჯობესებაა.
ტრადიციული სტილი
მრავალ მინიანი, ასაწევი ფანჯარა ტრადიციული სახლისთვის კარგი არჩევანია. თუმცა, ამ კატეგორიაში ასევე დაგჭირდებათ შუალების ნიმუშების არჩევა, რომელიც მინებს ერთმანეთისგან გამოჰყოფს. ფანჯრების აღნიშნული დიზაინი ქმნის კლასიკურ დიზაინს და იხრება უფრო თავშეკავებულ, თანამედროვე სტილისკენ. სქელი, ბრილიანტის ფორმის მინისგან დამზადებული ფანჯრები კი ოთახს ძველმოდურ იერსახეს აძლევს.
თანამედროვე გემოვნება
ახალი, თანამედროვე სტილისთვის შესაბამისია ფანჯრების სუფთა იერსახე, რომელიც გაღება გვერდიდან ჩამკეტი სახელურით არის შესაძლებელი.
ეს ფანჯრები შეიძლება იყოს გაფორმებული გისოსებით გარდამავალი იერსახისთვის, ან მყარი ფანჯრის მინებით, მოდერნისტებისთვის.
განათების კონტროლი
ფანჯრები ოთახს ანათებს, თუმცა კედლის სივრცეს იმდენად იკავებს, რომ ზოგჯერ რაიმე ნახატის ჩამოსაკიდებელი ადგილიც კი აღარ რჩება. პერსონალიზებული და შთამბეჭდავი ატმოსფეროს ნამუშევრებით შექმნის დროს, ზოგჯერ სივრცის გადატვირთვას სჯობს ნაკლები ელემენტები გამოიყენოთ. რაოდენობაზე მნიშვნელოვანი ხარისხია.
სახლის უამრავი მფლობელი დაგვეთანხმება, რომ ისეთი პოზიტიური ელემენტებიც კი, როგორიცაა მზის შუქი, შეიძლება გახდეს ძალიან შემაწუხებელი, თუ შესაბმის რეაგირებას არ მოვახდენთ… აღნიშნული ფაქტი კი ხაზს უსვამს ბალანსის და ზომიერების მნიშვნელობას დიზაინსა და გარემოში, კომფორტულთან ერთად სასიამოვნო გამოცდილების უზრუნველსაყოფად.
სპეციალური ფორმები
სპეციალიზებული ფანჯრები, როგორიცაა ერკერული ან Პალადიანის, წარმოადგენს დიზაინის განსაკუთრებულ ფორმას მაქსიმალური გავლენის თვალსაზრისით. ერკერული ფანჯარა ჩამოსაჯდომ ადგილსაც გთავაზობთ, და ქმნის მომხიბვლელ სასადილო კუთხეს. უფრო დიდი, ტრადიციული სახლის შემთხვევაში, გირჩევთ Პალადიანის ფანჯრის ტიპს, რომელიც კლასიკური გრაციოზულობის ელფერს მისცემს თქვენს ელეგანტურ ინტერიერს.
