29/05/2021
საზოგადოებრივი ჯანდაცვის ექსპერტი, გიორგი ფხაკაძე კორონავირუსთან დაკავშირებით გავრცელებულ დეზინფორმაციაზე, სოციალურ ქსელში მიმართვას ავრცელებს, რომელიც უცხოურ მედიაში გამოქვეყნებულ სტატიას უკავშირდება.
გიორგი ფხაკაძე საზოგადოებას მოუწოდებს, დეზინფორმაციას არ აყვეს, ის გავლენიან მედია გამოცემას The New Yourk Times-ს მეცნიერულად დაუზუსტებელი სტატიის გამოქვეყნებისთვის აკრიტიკებს და აღნიშნავს, რომ კვლევა, რომელშიც საუბარია ვირუსის “მახსოვრობაზე” სუსტია, რადგან მასში მონაწილეობა მხოლოდ 77 ცდის პირმა მიიღო.
“ეს არის დეზინფორმაცია!
“ნიუ იორკ ტაიმსმა” დადო სასწაული სათაური და ასეულობით წერილი მივიღე ამასთან დაკავშირებით. ახლა მოკლედ აგიხსნით, რაშია საქმე:
კვლევა ჩატარდა 77 ადამიანზე! ხომ მაგარი კვლევაა?!
კვლევა ეფუძნება 2007 წლის კვლევას/თეორიას, რომ იმუნიტეტი “იმახსოვრებს” ვირუსებს (ნახეთ ბმულში)
ამ სტატიაში მკაფიოდ წერია, რომ ვირუსის გრძელვადიანი “მახსოვრობა” არის შესაძლებელი მარტო იმ ადამიანებში, ვინც ვირუსი გადაიტანა.
ვინც ვაქცინირდა, მასზე ეს გრძელვადიანი “მეხსიერება” არ ვრცელდება და პირველი დოზიდან, ალბათ, 6 თვეში, ზოგი “პლაცებო” ვაქცინის შემთხვევაში – ალბათ, 3 თვეში, ზოგი კი 9-12 თვეში იქნება საჭირო “ბუსტერი” ვაქცინის გაკეთება;
გთხოვთ, ბრმად ნუ აყვებით ასეთ კვლევებს. ეს არის ვიწრო მეცნიერული მსჯელობის საკითხი და საზოგადოება ასეთი სტატიებით უფრო იბნევა და საზოგადოებრივი ჯანდაცვის რისკები იზრდება. გისურვებთ ჯანმრთელობას”, – წერს ფხაკაძე.
https://www.facebook.com/pkhakadze/posts/10160240211885579
Professor Giorgi Pkhakadze, MD, MPH, PhD
#drpkhakadze #გიორგიფხაკაძე #accreditationge
Профессор Гиорги Пхакадзе. #ПрофессорПхакадзе
https://youtube.com/@drpkhakadze
Prepared by: ირინა დათაშვილი #datashvil
