საცხოვრებელი თუ საოფისე ფართის რემონტი ყველა ჩვენგანისთვის დიდ მნიშვნელობას იძენს და დაგვეთანხმებით, რომ ამისთვის განსაკუთრებით ვემზადებით ხოლმე.
რემონტს საქართველოში თან არაერთი სტერეოტიპი ახლავს, მაგალითად, ეს უკავშირდება დადგენილი ვადის გადაცილებას, არასათანადოდ შესრულებულ საქმეს და ა.შ.
Sheniinterieri.ge გთავაზობთ სარემონტო კომპანია Davbuild -ის დამფუძნებელ ნინო-რუსუდან დავლაძესთან ინტერვიუს, რომელიც აღნიშნულ სტერეოტიპებს ანგრევს და დამკვეთს ხარისხის გარანტიად ოფიციალურ შეთანხმებას სთავაზობს.
„პროფესიით ფინანსისტი ვარ. სულ მინდოდა საკუთარი ბიზნესი მქონოდა. თუმცა, რა სფეროში ვცდიდი ბედს არ ვიცოდი. დაკვირვებამ აჩვენა რომ ქალების ჩართულობის გარეშე, ხარისხიანი რემონტი არ გამოდის. შესაბამისად, დღეს თქვენს წინაშე ვარ.”
-კომპანია „DAVBUILD-დავბილდი“ ამ სახელით, რომლითაც ახლა ოპერირებს, ახალი შექმნილია – რეორგანიზებულია. ეს სარემონტო კომპანია მოგემსახურებათ ყველანაირი მიმართულებით – ეს იქნება საცხოვრებელი სახლების რემონტი, დემონტაჟი, საოფისე ფართის თუ კვების ობიექტის აღჭურვილობა.
კომპანია გთავაზობთ სრულ მომსახურებას, დაწყებული პროექტირებით დამთავრებული ინტერიერის საბოლოო სახის მიღებამდე.
რაც შეეხება პროექტირებას – ყველაზე მნიშვნელოვანი ნაწილია მთელს ამ პროცესში. სამწუხაროდ, ფიზიკური პირები საცხოვრებელი სახლის რემონტისას ამას ყურადღებას ნაკლებად აქცევენ მაგრამ თუ არის, სავაჭრო ცენტრი, კვების ობიექტი, ოფისი და ა.შ. პროექტის გარეშე ძალიან რთულია დეტალების განსაზღვრა დამკვეთისთვის. მითუმეტეს, თუ ის არ არის კერძო კუთვნილებაში და განთავსებულია ე.წ. მოლებში ან სივრცით ადგილებში, აუცილებლად უნდა აკმაყოფილებდეს გარკვეულ სტანდარტებს, რომელიც დადგენილია ჩვენს ქვეყანაში. ეს იქნება სახანძრო უსაფრთხოება, სიგნალიზაცია, ვენტილაცია, სამეთვალყურეო სისტემა თუ სხვა… შესაბამისად, ვაკმაყოფილებთ ყველა მოთხოვნას.
ამასთან, ვიზუალური მხარე, დიზაინერის მომსახურებაც თუ გჭირდებათ, ჩვენს კომპანიაში სრული მომსახურებაა გაერთიანებული, რაც რემონტს სჭირდება.
– საინტერესოა, ესე იგი, ინტერიერის დიზაინერის მომსახურებაც გაქვთ?
-დიახ. პროექტირებაში იგულისხმება როგორც საინჟინრო პროექტირება, ასევე ინტერიერის დიზაინის მიმართულებაც.
ასეთი მომსახურება ბიუჯეტურიც გამოდის, რადგან პროექტირების ეტაპი იმდენად მნიშვნელოვანია შემსრულებლისთვის, რამდენადაც თუ პროექტში ყველაფერი სწორად არის დაცული, შემსრულებელს უმარტივდება საქმის შესრულება, ასევე დამკვეთს უმარტივდება აღიქვას, რაც შეუკვეთა მიიღო თუ არა ზუსტად ის შედეგი. ჩვენ ვცდილობთ გვქონდეს მეტი კომფორტი ერთ სივრცეში.
-ნინო, მოდი, ვთქვათ, რომ საქართველოში რემონტი ძირითადად ასოცირდება დროში გაწელილ პერიოდთან, ნერვიულობასთან და ზოგჯერ არასასიამოვნო შედეგთან… რა არის თქვენი მნიშვნელოვანი გზავნილი, რამდენად ზუსტად ასრულებთ სამუშაოს იმ ვადებში, რასაც დამკვეთს უთანხმებთ და როგორ ხარისხს სთავაზობთ მათ?
-დიახ, მართალია, ძალიან დიდ ნერვულ და ადამიანურ რესურსს მოითხოვს ეს პროცესი. საქართველოში არსებობს სტერეოტიპი, რომ “ყველა ხელოსანი მატყუარაა”, ამისთვის არის შექმნილი ეს კომპანია, რომ ეს სტერეოტიპი დაინგრეს.
ნამდვილად შრომატევადია ეს საქმიანობა, თუმცა თუ წინასწარ სწორად გაქვს განსაზღვრული, რომელი საქმის შესასრულებლად რა გჭირდება, შესაბამისად, საზღვრავ ვადას და ყველა სხვა დეტალს…
თავიდან, როდესაც დამკვეთთან ვიწყებთ მუშაობას, თავიდანვე გათვლილია თითოეული დეტალი.
ნაბიჯ-ნაბიჯ მივდივართ, აუცილებლად ვიცავთ ვადას, რომელსაც წინასწარვე ვსაზღვრავთ. მე არ ვგულისხმობ გაუთვალისწინებელ, ფორსმაჟორულ სიტუაციებს, მაგრამ სხვა შემთხვევაში, თუ ვიწყებთ შავი ან თეთრი კარკასიდან რემონტს, ვადაც ამის მიხედვით იცვლება, გააჩნია კვადრატულობასაც…
– აქვე შევთანხმდეთ, რომ ხარისხიანად შესრულებულ სამუშაოს განაპირობებს პროფესიონალიზმი და გამოსაყენებელი მასალების ხარისხი – ამ მიმართულებით რა გარანტიას აძლევთ დამკვეთს?
-იმდენად გაჯერებული არის ჩვენი ბაზარი სხვადასხვა ბრენდის პროდუქციით, რომ თითქმის ყველაფრის შეძენა შეგვიძლია საქართველოში.
თუმცა მრავალფეროვნებისთვის, ასევე შემოგვაქვს კონკრეტული მიმართულების განსხვავებული ბრენდები სხვა ქვეყნებიდანაც, რომლებიც არაბიუჯეტურია, მაგრამ არის საუკეთესო ხარისხის.
თუ ასე ვთანხმდებით, შესაბამისად, ვადაც ამაზეა მორგებული. ძალიან ბევრი იმპორტიორია, რომლებიც ძალიან ხარისხიანი პროდუქციით ავსებენ ბაზარს და არჩევანიც გვაქვს ძალიან ფართო.
ჩვენს ერთ-ერთ პლუსად შეიძლება ჩაითვალოს ისიც, რომ ყოველ ჯერზე ყველა ბრენდს ვათანხმებთ დამკვეთთან. საუკეთესო სამი ბრენდიდან არჩევანის საშუალებას ტექნიკური მახასიათებლების მიხედვით ვთავაზობთ.
რაც შეეხება ხელოსნების პროფესიონალიზმს, მე ვერ ვიტყვი, რომ საქართველოში ხელოსნების ანაზღაურება დაბალია ან იაფად მუშაობენ ისინი. ხელოსანი იმდენ რესურსს და დროს ხარჯავს ამ ყველაფერში და იმხელა პასუხისმგებლობას იღებს, რომ თავადვეა დაინტერესებული, საქმე იდეალურად შეასრულოს. ჩვენთან გადაზღვევის ნაწილში დამკვეთისთვის შეიძლება ჩაითვალოს ისიც, რომ ბოლო წამამდე, სანამ ზუსტად ის შედეგი არ დაიდება, რაც დამკვეთს უნდა, ჩვენი კომპანია იღებს სრულ პასუხისმგებლობას.
გარდა იმისა, რომ პროფესიონალი გუნდით ვარ დაკომპლექტებული, პირადად ვარ ჩართული მთელს პროცესში – ეს იქნება მასალების შერჩევა, პროექტორების დეტალები თუ სხვა… ეს მოტივაციას მატებს თანამშრომლებს და მეც მიადვილებს პროცესის მსვლელობაზე კონტროლს… თავისმხრივ დამკვეთი ხედავს, რომ გულით ვუდგებით მის საქმეს.
-ნინო, რემონტს ახასიათებს სეზონურობა და ალბათ, თქვენი საქმიანობაც ამაზეა დამოკიდებული… რას ურჩევდით ჩვენს მკითხველს – რომელ სეზონზე დაიწყონ რემონტი?
-გააჩნია, რა ტიპის რემონტი სჭირდებათ. თუ ამას განსაზღვრავს დამკვეთი, მაშინ თავისუფლად შეგვიძლია ვთქვათ, რომ სეზონურობა ამ მხრივ არ არსებობს. არის სამუშაოები, რომლებიც ღია ცის ქვეშ ტარდება და სჭირდება შესაბამისი ამინდი გაშრობისთვის. თუმცა ეს არ ნიშნავს იმას, რომ არ შეიძლება გაკეთდეს ზამთარში. თავისუფლად შეიძლება ზამთარშიც მივიღოთ ისეთივე შედეგი გაშრობის კუთხით, უბრალოდ, მეტი დრო სჭირდება.
ხოლო, როდესაც დახურულ სივრცეში ვმუშაობთ და შიდა რემონტს ვაკეთებთ, ამ შემთხვევაში საერთოდ არ აქვს მნიშვნელობა, გარეთ როგორი ამინდია. რემონტების ე.წ. ბუმი მაინც გაზაფხულიდან იწყება და გრძელდება შუა ზაფხულამდე, ივლისის ბოლომდე დაახლოებით, აგვისტოში უკვე შედარებით იკლებს. შემდეგ ისევ აქტიური სეზონია შემოდგომა, დაზამთრებამდე.
-გვიამბეთ თქვენი საქმიანობის დეტალებზე – აფორმებთ თუ არა ოფიციალურ კონტრაქტს, ხელშეკრულებას დამკვეთთან?
-დიახ, კონტრაქტი აუცილებელიც კია, რომ ორივე მხარის უფლებები დაცული იყოს. ასევე ვალდებულებები, რომლებსაც საკუთარ თავზე ვიღებთ, ამის გარანტიას იძლევა კონტრაქტი.
თუმცა, პირველ რიგში, რა თქმა უნდა, ადამიანური ფაქტორია მნიშვნელოვანი და აქედან გამომდინარე, თამამად შემიძლია ვთქვა, რომ პასუხისმგებლიანი გუნდი მყავს.
ყველა დამკვეთთან ინდივიდუალური კონტრაქტი ფორმდება პირობებისა და მოთხოვნების შესაბამისად. არ ვართ ორიენტირებული დამკვეთის თანხის დიდი რაოდენობით დახარჯვაზე. გვაქვს ჩვენი კონკრეტული ანაზღაურება, რაც შეთანხმების შედეგად დგინდება და უბრალოდ, დამკვეთი თავიდან ირიდებს იმ სირთულეებს, როგორიცაა: მასალების შეგროვება, შედარება, დაწყობა, მიტანა და ეს რთული პროცესი მას მოხსნილი აქვს, პასუხისმგებლობას გვაკისრებს ჩვენ და პასუხსაც გვთხოვს ჩვენ. ჩემი გადმოსახედიდან, ეს ძალიან კომფორტულია, რადგან უფრო ამარტივებს ყველაფერს დამკვეთისათვის.
– საუბარი, დავიწყეთ სტერეოტიპებით, რაც უკავშირდება რემონტს… რამდენად ურჩევთ ადამიანებს, აირჩიონ ისეთი კომპანიები, რომლებიც ოფიციალურ კონტრაქტს აფორმებენ და არ მოქმედებენ სიტყვიერი შეთანხმებით, რასაც ბევრი გაურკვევლობა სდევს თან?
-თუ სტერეოტიპებზე ვსაუბრობთ, ვისურვებდი, რომ ამ სფეროში იყოს ძალიან ბევრი ქალი. საცხოვრებელი ფართის საჭიროებებზე პრაქტიკული მიდგომები ქალებს მეტად გვაქვს. შესაბამისად, ქალის ხედვა აბსოლუტურად სხვანაირია და უფრო მისაღებია დამკვეთის კუთხით ქალის შეფასება.
თუმცა უნდა აღვნიშნო, რომ საქართველოში უკვე ბევრი ქალი არის ჩართული ამ სფეროში, რაც ძალიან მახარებს. გარდა ამისა, კიდევ ერთხელ ხაზს გავუსვამ, რომ ხელშეკრულების პირობის ცვლილება, თუ ორივე მხარე არის თანახმა, ნებისმიერ დროს არის შესაძლებელი.
ხელშეკრულება ორივე მხარეს გვჭირდება იმისთვის, რომ ვიყოთ მშვიდად იქიდან გამომდინარე, რაზეც ვისაუბრეთ, რაც ორივე მხარემ გადაწყვიტა ნამდვილად და შესაბამისად შესრულდეს. შეცდომები ყველა სფეროში ხდება, თუმცა გამოუსწორებელი არაფერია და, შესაბამისად, ვფიქრობ, რომ ურთიერთობის დონეზე ეს მარტივად მოგვარებადია.
-რას ისურვებდით იმისთვის, რომ თქვენი საქმიანობა განვითარდეს, წინ წავიდეს? რა იქნება თქვენთვის ბიძგი ამ საქმიანობის განვითარებისათვის?
-ახლა, რაც დისკომფორტს მიქმნის, როგორც ამ სფეროში მყოფ ადამიანს, არის ის, რომ ჩვენმა მომწოდებლებმა, მასალების ტექნიკური მახასიათებლების ერთმანეთისგან განმასხვავებელი ნიშნები ცოტა ნაკლებად იციან. შეიძლება ჰქონდეთ ერთი და იმავე დანიშნულების სხვადასხვა ბრენდის მიერ წარმოებული პროდუქცია, რომელსაც ჰქონდეს განსხვავებული ფასი, მაგრამ არგუმენტირებულად ვერ აგიხსნიან, რატომ არის სხვადასხვა ღირებულების ან რით განსხვავდება ისინი ერთმანეთისგან.
ძირითადად ეს არის პრობლემა და ვისურვებდი, რომ პროდუქციის მომწოდებლები მეტად კვალიფიციურები იყვნენ. კიდევ ერთი პრობლემა რაც არის, ეს არის უნდობლობა დამკვეთის მხრიდან. მათი გამოცდილების ხარჯზე დამკვეთი ყოველთვის ნაკლებად გენდობა.
თუმცა, ზუსტად ამ მიდგომების, სტერეოტიპების ცვლილებებია მთავარი მესიჯი ჩემი მხრიდან.
რემონტისგან უნდა მივიღოთ სიამოვნება და არა დაღლა.
მასალის გამოყენების პირობები
