ფერის ფსიქოლოგია არის ინტერიერის დიზაინის ის მნიშვნელოვანი მხარე, რომელიც აყალიბებს ოთახის ხასიათს, მისი გავლენა კი ყველაზე მნიშვნელოვანია ოთახში შექმნილ განწყობაზე.
ფერები გარკვეულ ემოციებს აღძრავს, ამიტომ ფერების შერჩევისას, პირველ რიგში, მნიშვნელოვანია იმ ატმოსფეროს განსაზღვრა, რაც გინდათ რომ შექმნათ, შემდეგ კი რომელი ფერები დაგეხმარებათ მიზნის მიღწევაში.
თუ გსურთ თქვენს ოთახებში ახლი ფერების შემოტანა და მოწყობა, ჩვენი დახმარებით შეგიძლიათ გაეცნოთ ფერების ფსიქოლოგიურ ეფექტს:
შავი
შავი ყოველთვის ასოცირდებოდა უნივერსალობასა და ელეგანტურობასთან. ის უკავშირდება სიმარტივესა და ფუნქციონალურობას.
ეს ფერი აქტიურად გამოიყენება თანამედროვე ინტერიერის დიზაინსა და არქიტექტურაში.
ფსიქოლოგიური კუთხით აბსოლუტურად შავი ოთახი შეიძლება იყოს პირქუში. თუმცა, თუ თქვენ მას სხვა ფერთან დააწყვილებით, როგორებიცაა წითელი, თეთრი, ლურჯი და სხვა, შესანიშნავ კონტრასტს შექმნით.
შავი წარმატებულად გამოიყენება ინტერიერის დიზაინში, განსაკუთრებით სამზარეულოში, საერთო ოთახში, სასადილო ოთახსა და სააბაზანოში.
მწვანე
ადამიანებისთვის მწვანე ფერი ბუნებასთან ასოცირდება.
ადამიანის გონება ბუნებას სიმშვიდეს, სიახლესა და ნდობას უკავშირებს.
მისი სხვადასხვა ელფერი ხელს უწყობს მოდუნებას და ამცირებს ჰიპერტენზიისა და არტერიული წნევის დონეს.
სახლში შეგვიძლია გამოვიყენოთ მწვანეს სხვადასხვა ელფერი. თქვენ შეგიძლიათ გამოიყენოთ ღია ელფერები კედლებზე და შექმნათ კონტრასტი მცენარეებით.
მწვანე ფერს აქვს დამამშვიდებელი ეფექტი, რაც აღძრავს უსაფრთხოების განცდას, მას აქცევს იდეალურ ფერად ინტერიერის დიზაინისთვის.
მელნისფერი
იისფერი ჩვეულებრივ ასოცირდება ელეგანტურობასა და სიმდიდრესთან.
ეს ფერი კარგად მუშაობს იმ სივრცეებში, რომელიც განკუთვნილია მუშაობისთვის და დიზაინისთვის. ღია ელფერი, როგორიცაა იისფერი, თქვენს დიზაინს განსაკუთრებულობას შესძენს.
თქვენ ის შეგიძლიათ გამოიყენოთ გარდერობში, ჰოლში, სახლის ხელოვნების კუთხეებში, ან სულაც სამზარეულოში, რადგან იასამნისფერი დადებითად მოქმედებს შემოქმედებით უნარზე.
ეს ფერი განსაკუთრებით პოპულარულია თინეიჯერებში, რადგან მისი ფსიქოლოგიური ეფექტი ეხმარება მათ, აღმოაჩინონ საკუთარი თავი.
იასამნისფერი ასევე კარგად მუშაობს ფოიესა და მისაღებ ოთახში, სადაც სტუმრები ატარებენ დროს.
ის აღძრავს სიმშვიდის, ელეგანტურობისა და სიმდიდრის შეგრძნებას.
წითელი
წითელი არის ერთ-ერთი ყველზე დრამატული და ყველაზე მაცდური ფერი, როცა საქმე ემოციების აღძვრას ეხება. მას ხშირად ახლავს ისეთი გრძნობები, როგორებიცაა ვნება, მღელვარება და ენერგია.
წითელი ფერის ბუნებიდან გამომდინარე, მისი გამოყენება კარგი არჩევანია ოფისებსა და შამოქმედებითი სივრცეებში.
ისევე როგორც თავის ძირითად შეფერილობას, წითლის სხვა ვარიაციებსაც, როგორებიცაა ჟოლოსფერი და შინდისფერი, დიდი ძალა აქვთ ფერის ფსიქოლოგიაში.
თუ გსურთ მდიდრული, ტრადიციული ან პოპ-არტული გარემოს შექმნა, წითელი საუკეთესო არჩევანი იქნება.
#drpkhakadze #gochadze #sheniinterieri
წყაროhttps://spectrum.ge/ge/stories/interior-design/psychology-of-colors-for-interior-design
მასალის გამოყენების პირობები
