სტატიაში ქართულ კერძებთან ერთად, ყურადღება გამახვილებულია რესტორნის ინტერიერზე. “ფიროსმანში” ცნობილი ქართველი მხატვრის, ნიკო ფიროსმანის ნახატების რეპლიკებია კედელზე მოხატული.
“ფიროსმანი” ნიუ-იორკში პირველი და დღეს უძველესი ქართული რესტორანია, რომელიც ბრუკლინში 2001 წელს გაიხსნა. 2017 წელს ის ამერიკაში მოღვაწე ჟურნალისტმა და ჟურნალ “მამულის” რედაქტორმა – მანუჩარ კაჭახიძემ შეიძინა.
“ნიუ-იორკ თაიმსის” ჟურნალისტი წერს, რომ რესტორნის მფლობელის მოტივაცია ბიზნესის შეძენის დროს სწორედ კედლებზე არსებული ფრესკების შენარჩუნება იყო, რომელსაც ახალი სიცოცხლე შესძინა. “დღეს თუ ვინმეს აინტერესებს, როგორი იყო მე-17 საუკუნის დღესასწაულები, ან ტყეში პიკნიკები, მათ არ მოუწევთ მუზეუმებსა და გალერეებში წასვლა, ისინი უბრალოდ უნდა მოვიდნენ რესტორანში,” – ნათქვამია წერილში.
საქეიფოდ, განსაკუთრებით, შაბათ-კვირას, “ფიროსმანში” თავს იყრიან ქართული ოჯახები.
#drpkhakadze #gochadze #sheniinterieri
წყარო:https://www.kutaisipost.ge/ka/akhali-ambebi
