ყოველთვის შესანიშნავი მომენტია, როდესაც აღმოაჩენ რაღაცას, რაც შენს ბედნიერებაზე მოქმედებს !
და რა მოხდება, თუ გეტყვით, რომ მცენარეებს შეუძლია ასეთი ეფექტის მოტანა?… გაგიზიარებთ მათ უმნიშვნელოვანეს უპირატესობებს, თუ რა სარგებლის მოტანა შეუძლიათ მათ ჩვენს ცხოვრებაში და როგორ მოვუაროთ:
გარდა იმისა, რომ ახარებს თვალს და დადებითად მოქმედებს ადამიანის განწყობაზე, სასარგებლოც არის, მცენარეები ხომ ჰაერს წმენდენ!
ყველა მცენარეს განსხვავებული მოვლა სჭირდება, რადგან ისინი განსხვავებულად ეგუებიან გარემოს და განსხვავებულად რეაგირებენ გამღიზიანებლებზე…
არსებობს მოვლის პრინციპები, რომლებიც უნდა გაითვალისწინო, რათა მცენარე ჯანმრთელი იყოს და დიდი ხანი გაძლოს.
- სწორი განლაგება
სანამ ამა თუ იმ მცენარეს ადგილს მიუჩენთ, დარწმუნდით, რომ ეს სწორედ ის ადგილია, რომელიც სჭირდება ამ კონკრეტულ მცენარეს. ეცადეთ მცენარე ოთახში ისე განათავსოთ, რომ მზის სხივები მას პირდაპიარ არ უყურებდეს. სწორად შერჩეული ადგილის წყალობით მცენარე შეინარჩუნებს ტენიანობას, რაც ხელს შეუწყობს მის ზრდას.
- სწორი მორწყვა
თუ ვინმეს ან რამეს შეიძლება ვავნოთ ზედმეტი მზრუნველობით, ეს პირველ რიგში მცენარეებია. მათი დაღუპვა შესაძლოა გამოიწვიოს როგორც წყლის ნაკლებობამ, ასევე მისმა სიჭარბემ… აუცილებელია წყალი გვქონდეს დაყენებული ოთახის ტემპერატურაზე.
თუ გულმავიწყი ბრძანდებით, ეცადეთ შეარჩიოთ ისეთი მცენრეები, რომლებიც არ საჭიროებენ ხშირ მორწყვას, მაგალითად, კაქტუსები.
- სწორად შერჩეული ქოთანი
ქოთნის შერჩევა სხვა დანარჩენ პირობებთან ერთად არის ძალიან მნიშვნელოვანი. ქოთანი არ უნდა იყოს არც ძალიან დიდი და არც ძალიან პატარა. არავითარ შემთხვევაში არ მოათავსოთ მცენარე ქოთანში დრენაჟის გარეშე, ასე ნებისმიერი მცენარე დალპება. თუ მცენარე აივანზე გაქვთ, თუნდაც შემინულზე, სივრცეში, რომელიც არ თბება, აუცილებლად უნდა შუერჩიოთ ყინვაგამძლე ქოთანი. ასეთი ქოთნებიც თიხისგან მზადდება, თუმცა უფრო მეტად გამომწვარი და შესაბამისად, მეტად გამძლეა.
- სასუქი და ნიადაგის განოყივრება
მცენარის ნაყოფიერება დამოკიდებულია მცენარის ზრდის ტემპსა და წელიწადის დროზე. სახლის მცენარეების უმრავლესობა გაზაფხულზე და ზაფხულში იზრდება, ამიტომ ეს საუკეთესო პერიოდია სასუქის დასაყრელად. ისევე, როგორც ზედმეტი მორწყვა, ზედმეტი სასუქიც დამაზიანებელია, რადგან ფესვების დაწვას იწვევს. ასევე ყურადღება მიაქციეთ სასუქის ვარგისიანობის ვადას.
- გაანიავეთ მცენარეები
ისევე, როგორც ადამიანებს, მცენარეებსაც აუცილებლად სჭირდებათ სუფთა ჰაერი, ამიტომ, კარგ ამინდში გირჩევთ მათ გატანას სუფთა ჰაერზე, თუმცა აქ ყურადსაღებია ის ფაქტი, რომ ამინდი იყოს კარგი, რადგან არ გაიყინოს მცენარეები.
როგორ მოვუაროთ მცენარეებს
ყოველთვის შესანიშნავი მონეტია, როდესაც აღმოაჩენ რაღაცას, რაც შენს ბედნიერებაზე მოქმედებს !
და რა მოხდება თუ გეტყვით, რომ მცენარეებს შეუძლიათ ასეთი ეფექტის მოტანა?
მე გაგიზიარებთ მათ უმნიშვნელოვანეს უპირატესობებს, თუ რა სარგებლის მოტანა შეუძლიათ მათ ჩვენს ცხოვრებაში და როგორ მოვუაროთ
გარდა იმისა, რომ ახარებს თვალს და დადებითად მოქმედებს ადამიანის განწყობაზე, სასარგებლოც არის, მცენარეები ხომ ჰაერს წმენდენ
ყველა მცენარეს განსხვავებული მოვლა სჭირდება, რადგან ისინი განსხვავებულად ეგუებიან გარემოს და განსხვავებულად რეაგირებენ გამღიზიანებლებზე
არსებობს მოვლის პრინციპები, რომლებიც უნდა გაითვალისწინო, რათა მცენარე ჯანმრთელი იყოს და დიდი ხანი გაძლოს.
