პოპულარული ონალინ პლატფორმა – დეკორატორის მიხედვით, ინტერიერის დიზაინში 5 ტიპის სტილს გამოყოფენ: ტრადიციული, თანამედროვე, გარდამავალი, ეკლექტიკური და შუა საუკუნეების თანამედროვე.
ინტერიერის 5 დიზაინერთან საუბრის შედეგად,თითოეულ სტილზე გარკვეული ინფორმაცია მოვიპოვეთ. ამ დარგის ექსპერტები განიხილავენ თითოეულ მათგანს და გვაძლევენ რჩევებს, თუ როგორ გადმოვიტანოთ ინტერიერის კონკრეტული ხასიათი ჩვენს სახლში.
ტრადიციული სტილი
ცნობილი დიზაინერი შარლოტა ლუკასი გვესაუბრება ტრადიციული სტილის შესახებ: ,,ვფიქრობ, რომ ტრადიციულ სტილის მრავალი ინტერპრეტაცია არსებობს, ჩემთვის კი ეს არის დიზაინი კლასიკური ელემენტებით.”
თუ ტრადიციული ინტერიერით ხართ დაინტერესებული, სავარაუდოდ, თქვენს ყურადღებას მიიპყრობს ისეთი ანტიკური ნივთები, როგორიცაა ლუი XVI-ის სკამები, მარმარილოს საუკეთესო ფრანგული კომოდები, მაჰოგანის სასადილო მაგიდები და მოოქროვილი სარკეები. ლუკასი გირჩევთ, არ გამოგრჩეთ თუნდაც ისეთი მცირე დეტალები, როგორიცაა ორნამენტული ნაწილები, ფოჩები და ფარდის დასამაგრებლები. სახალისო, დაბეჭდილი, თურქული ხალიჩები სითბოსა და გარკვეულ ხასიათს მისცემს თქვენს სხვა შემთხვევაში თავდაჭერილ და მკაცრი ხასიათის ოთახს.
თანამედროვე სტილი
„მოდერნიზმი, როგორც წესი, გულისხმობსსუფთა ხაზებს, კარგად მოფიქრებულ დეტალებს და აქცენტს აკეთებს დახვეწილი, კარგი ხარისხის მასალებზე – მხედველობაში მიიღეთ:სახიანი მარმარილო, დახვეწილი ლითონები და მინა“, – ამბობს დენ მაზარინი, BHDM Design-ის დირექტორი. ეს ნამუშევრები, სავარაუდოდ, ისეთივე ლამაზი და რელევანტურია დღეს, როგორც ეს თავდაპირველად, მისი შექმნის დროს იყო.
არსანიშნავია, რომ წარმატება უამრავ კლასიკას ხვდა წილად. Knoll-ით დაწყებული ბარსელონას ყავის მაგიდით დამთავრებული. თუმცა, უახლეს ინვენტარის გამოყენებას სრულიად ნუ მოერიდებით.
გარდამავალი სტილი
გარდამავალი დიზაინი წაროადგენსთანამედროვესა და ტრადიციულის ნაზავს.აღნიშნული სტილის მიზანია მეტი სივრცის შექმნა. „გარემო მხოლოდ კომფორტის შეგრძნებას კი არ უნდა ტოვებდეს,არამედ სისუფთავის, თანამედროვეობის და სიახლის განცდასაც“, – ამბობს შეი მეკგი, Studio McGee-ს დამფუძნებელი.
ბევრი არ იფიქროთ ელემენტების ერთმანეთთან შესაბამისობაზე. თუ თქვენი სახლი მინიმალისტურია, დაამშვენეთ იგი ხის მასალებით, ქსოვილებითა და დასაფენებით. თუ ტრადიციული სტილით გადაწყვიტეთ დაწყება, შეეცადეთ ჩართოთ თანამედროვე შტრიხები, როგორიცაა ლითონი და მინა, რათა გარემოს შემატოთ გარკვეული კონტრასტი და გახადოთ იგი ნაკლებად ფორმალური.
ეკლექტიკური სტილი
„აქ ნებისმიერი რამ დასაშვებია, თუ შენთვის ყველაფერი რაღაც მნიშვნელობას ატარებს“, –ამბობს მაქს ჰამფრი, ინტერიერის დიზაინერი.
ეკლექტიკური ხასიათის სახლები ძალიანპირადულ შინაარს ატარებენ; ესთეტიკის განსაზღვრა სახლის მფლობელზეა დამოკიდებული. მიუხედავად იმისა, რომ რეალურად ასეთი სტილის ინტერიერზე ნაკლები წესები ვრცელდება, ჰამფრი, მეტი სრულყოფილებისთვის, მაინც გვიზიარებს რამდენიმე რჩევას: „ეს არის დიდი ოთახი,დროთა განმავლობაში შეგროვებული,სხავდასხვა ტიპის ნივთების ნაზავით სავსე, იქნება ეს მაღალი თუდაბალი დონის, ახალი თუვინტაჟური“.
არ არის საჭირო ყველაფერი ერთმანეთს იდეალურად შეესაბამებოდეს. იყავით მეტად კრეატიულები! ჰამფრი გვთავაზობს სხვადასხვა ელემენტების გამოყენებას, განსხვავებული ელფერის შესაქმნელად. მაგალითად, ჩინური ყავის მაგიდა, დახვეწილი, შუა საუკუნეების თანამედროვე სავარძელი და ბებიას დანატოვარი ვინტაჟური ნათურები. მიეცით გზა თქვენს ფანტაზიებს და იგი უშუალოდ მიგიყვანთ უნიკალური და პერსონალური სტილის კომბინაციამდე.
შუა საუკუნის თანამედროვე სტილი
შუა საუკუნის თანამედროვე სტილი უფრო ადრინდელი პერიოდიდან მოდის,მაგალითადროგორიცაა გერმანიის ბაუჰაუსის მოძრაობა და მინიმალისტური სკანდინავიური დიზაინი. “იმდროინდელ ავეჯში გამოიხატება ისსილაღე, რომლის უარყოფაც რთულია“, – ამბობს ჯესიკა ჰანსენი, ინტერიერის დიზაინერი.
ამ ესთეტიკამ გაუძლო დროს, სადაც ფიგურირებს სიმარტივე და გამჭრიახობა. მის ზოგიერთ, ყველაზე საინტერესო ნამუშევრებში,იკვეთება კლასიკურსა და არატრადიციულს შორის ზღვარი; კერძოდ,პლასტმასის, ბოჭკოვანი მინის, ვინილის, ლუციტისა და ფანერის დეტალებით. დაათვალიერეთისეთიგენიალური ქმნილებები, როგორიცაა Poul Henningsen PH5-ის დასაკიდი ნათურა, Isamu Noguchi Akari-ისდასადგამი ნათურა და ყოველთვის პოპულარული Eames-ის სავარძელი.
#drpkhakadze #gochadze #sheniinterieri
წყარო:https://www.domino.com/content/interior-design-styles/
