2024 წელს განისაზღვრა, თუ რომელი პალიტრა იქნება ტენდენციური – და როგორც ჩანს, ფერები ბევრად უფრო თამამი იქნება ამ წელს. ფერების ექსპერტები ვარაუდობენ, რომ ადამიანები მეტად თავგადასავლების მოყვარულნი იქნებიან ამ მიმართულებით.
პალიტრა მეტწილად ნათელი ვარდისფერით, მხიარული ზღვისფერით და მდიდარი ყავისფერით იქნება წადმოდგენილი. რა თქმა უნდა, ნეიტრალური ფერები არასოდეს გადავა მოდის ტენდენციებიდან, მაგრამ მათ ღია და მუქი ტონებიც გაათბობენ. ექსპერტები ასევე თანხმდებიან, რომ მომავალი წლების განმავლობაში ფერი უფრო ინდივიდუალური იქნება, ვიდრე ოდესმე.
ფერები, რომლითაც გარშემორტყმული ვართ, არსებითად მოქმედებს ჩვენს განწყობაზე და გამოხატავს ჩვენს პიროვნებას. იდეალური ჩრდილის არჩევა კედლების შესაღებად ან ჩვენი პირადი სტილისთვის, საბოლოდ, პირადი უპირატესობაა. ფერების ექსპერტების აზრით, მათთვის, ვინც მზად არის ფერადი “მოგზაურობისთვის”, უნდა გაეცნოს შვიდი ფერის ტენდენციას, რომელიც დომინირებს 2024 წელს.
- ბნელი (და ელეგანტური) მხარე
მდიდარი და ღრმა ფერები განუყოფელ როლს შეასრულებს ნათელი და ღია ჩრდილების დაბალანსებაში, რომელიც ამ წელს გამოჩნდება. ჩრდილები განსხვავდება ღრმა შოკოლადისფერი ყავისფერისგან და საინტერესო შავიდან ღრმა ზღვისფერისა და ტყის მწვანემდე.
მაღალი კონტრასტული ფერები დააბალანსებს ღია ფერების მთელ სიკაშკაშეს.
2. ლურჯის დაბრუნება
ლურჯი ერთ-ერთია იმ ფერთაგან, რომელიც არასოდეს დაკარგავს პოპულარობას ბუნებრივ სამყაროსთან თანდაყოლილი კავშირის გამო. ექსპერტები ვარაუდობენ, რომ 2024 წლის ბოლოს და 2025 წლის დასაწყისში მწვანე ტონებიდან უფრო ჰაეროვან და წყლიან ფერებზე გადასვლა მოხდება. ეს ფერი ასოცირდება გამაგრილებელ, წყლიან, ცივ, მშვიდ და მედიტაციურ ტონებთან.
3. დამაინტრიგებელი იასამნისფერი
იასამნისფერი შეიძლება ცოტათი “აშინებდეს” ზოგს ინტერიერის სამუშაო პროცესში, მაგრამ ექსპერტები გვირჩევენ ამ ფერის გამოყენებას, რადგან ძალიან მრავალფეროვანია. იასამნისფერი ადამიანებს ეხმარება, იყვნენ გამორჩეულები და მისი დახმარებით ექსპერიმენტი ჩაატარონ ინტერიერში.
უფრო მდუმარე, რბილი, მეწამული ჩრდილები ასევე იქნება პოპულარული 2024 წელს. მიზეზი ის არის, რომ ისინი ვარდისფერის, ლურჯის და მწვანეს მშვენიერი კომპანიონი არიან და მატებენ სიღრმესა და ვიბრაციას იასამნისფერს, მისი ჩრდილიდან გამომდინარე.
4. ვარდისფერი და წითელი
“ბარბის” ბატონობა კულტურაზე კვლავ იმოქმედებს. ექსპერტები ვარაუდობენ, რომ ვარდისფერი ელფერი კიდევ უფრო პოპულარული იქნება, როგორც ნოსტალგიური და ოპტიმისტური “გრძნობები”. პატარა ვარდისფერი ჩრდილები, ასევე, დარჩება ძირითად ელემენტად, როგორც ეს დაადასტურა ბრიტანულმა საღებავებისა და ფონების კომპანია Little Greene-მა, რომელმაც ნაზი ვარდისფერი წლის ფერად გამოაცხადა და აღნიშნავენ, რომ ეს ფერი მუდმივად ტრენდულია, რომელსაც სახლში ბუნებრივი სიმშვიდე მოაქვს.
5. მბზინავი ყვითელი და ნარინჯისფერი
კაშკაშა ყვითელი და ნარინჯისფერი იქნება ის ჩრდილები 2024 წლისთვის, რაც განსაკუთრებულ ელფერს შესძენს ჩვენს ინტერიერს. ელექტრული ქარვისფერი, ასახავს ამ ორი ჩრდილის მანათობელ სილამაზეს, განსაკუთრებით მაშინ, როდესაც ისინი შერწყმულია. მიმზიდველი და მომხიბვლელი, ელექტრო ქარვა ანათებს დიზაინში, როდესაც წარმოდგენილია ტექსტილებში, სამკაულებში და ბაღებშიც კი.
6. მიწიერი მწვანე
“მდუმარე” მწვანე არსად წავა 2024 წელს. ადამიანთა უმეტესობა ბუნებისგან შთაგონებულ ფერებს დამამშვიდებლად მიიჩნევს.
მიწიერ ტონებთან ერთად, 2024 წელს ღრმა მწვანეც იქნება მოსალოდნელი, რაც ელეგანტურობას განასახიერებს.
7. თბილი ნეიტრალური
ნეიტრალური ტონები მიისწრაფვიან თბილი, ღია თეთრით და კარაქისფერი ტონებით. საღებავების კომპანიები, როგორიცაა Sherwin-Williams და Glidden, ვარაუდობენ, რომ ეს ფერები ენერგიულ, მაგრამ მყარ საფუძველს მისცემს ფერთა პალიტრებს.
ერთ-ერთი მიზეზი, რის გამოც თბილი ნეიტრალები ამჟამად დიზაინერებს უყვართ, განათებაა, ის უფრო გრილს ხდის საგნებს.
ავტორი – ანი დავიდიანი
