როგორ გავხადოთ პატარა ფართი კომფორტული და სრულყოფი საცხოვრებლად
სტატიაში ნახავთ 50 კვადრატულ მეტრზე პატარა ფართობის საცხოვრებელს , რომლებიც მიუხედავად ზომისა კომფორტული და სრულყოფილია ცხოვრებისთვის . გამოიყენეთ იდეები თქვენი პატარა აპარტამენტების მოწყობისას .
პირველი აპარტამენტი 20 კვადრატული მეტრია , თუმცა ნიჭიერმა დიზაინერებმა პიოტრ მატუჟეკმა და გოსია გზარნიმ მოახერხეს მისი ისე მოწყობა , რომ სულაც ვერ იგრძნობთ სახლის სიმცირეს . ღია ფერები და მარტივი ხაზები ყოველტვის ზრდის ვიზუალურად სივრცეს . დიზაინერებმა მონოქრომატული ფერები და ღია ფერის ხე გამოიყენეს . ტრანსფორმირებადი საწოლი დღის ერთ ნახევარში უბრალოდ კედლის ფუნქციას ასრულებს , მეორეში კი საწოლის . სახლი ახლანდელი მეპატრონის ბებიას ეკუთვნოდა , სწორედ ამიტომ , სავარძელი და რამდენიმე ნივთი , რომელიც ბებიას ეკუთვნოდა შენარჩუნებულია და არაჩვეულებრივადაა ინტერიერზე მორგებული . სტილისტიკა დაცულია აბაზანაშიც , თუმცა აქ უფრო მეტი ფერი და მასალაა გამოყენებული .
მეორე აპარტამენტი სოლო დიზაინ სტუდიოს მიერ არის შესრულებული ახალგაზრდა წყვილისთვის . აქ თითოეული კედელი კარგადაა ათვისებული და აპარტამენტის მცირე ფართობის მიუხედავად ზონებიც კარგადაა გამოყოფილი . გამოყენებულია შედარებით მუქი ფერები , თუმცა დღის სინათლე ამ სიმუქეს აბალანსებს და საცხოვრებელიც ვიზუალურად არც ისე პატარად გამოიყურება . საძილე ზონა ფარდითაა გამოყოფილი .
მესამე აპარტამენტი უკრაინელი არქიტექტორის – ნასტია ანტონიუკის მიერ არის შექმნილი და იგი 43 კვადრატულ მეტრს მოიცავს . გამოყენებულია შავი გლუვი ზედაპირები . ოთახის ცენტრში განთავსებულ ერთი შეხედვით ტელევიზორის კედელში კარგადაა ჩამალული აბაზანა . საძილე ზონაში თეთრი ფერი დომინირებს , თუმცა ფერადი სკამიტა და აქსესუარებით ეს აქრომატულობა გახალისებულია . მთლიანობაში სახლი ვინტაჟურ – ინდუსტრიულ სტილშია გადაწყვეტილი და ორიგინალური სანათებით დატვირთული .
#drpkhakadze #gochadze #sheniinterieri
წყარო:https://aid.ge
