გზამკვლევი დღესასწაულის შემდეგ სახლის მოსაწესრიგებლად

სადღესასწაულო სამზადისი, საახალწლოდ სახლის მორთვა ყველას გვიყვარს, საოცარ განწყობას გვიქმნის. მაგრამ დღესასწაულის დღეები მთავრდება და დეკორაციების მოხსნის, სახლისთვის პირვანდელი სახის დაბრუნების დრო დგება. აი, ეს პროცესი კი მგონი არავის გვეხალისება. თუმცა, შეგიძლიათ ამ გენერალურ დალაგებას პოზიტიურად შეხედეთ, რადგან გაქვთ შესაძლებლობა თქვენს ბინას ახლებური იერსახე მისცეთ და ახალი წელი სიახლეებით დაიწყოთ. ჩვენი ბლოგი საახალწლო დღეების მიერ დატოვებული აურზაურის მოწესრიგებაში დაგეხმარებათ.

როგორ უნდა მოვაწყოთ ბინა ახალი წლის შემდეგ?

დასრულდა დასვენების დღეები, შევხვდიით ახალ წელს ზარ-ზეიმით და ახლა ვუყურებთ არეულ ბინებს. უმრავლესობას გვიჩნდება კითხვები: საიდან დავიწყო? ამდენ რამეს როგორ დავალაგებ? როგორ მოვაწყო სახლი? ბინის მოსაწყობად პირველ რიგში მისი მოწესრიგებაა საჭირო. ამის გასამარტივებლად გირჩევთ სამუშაო სია შეადგინოთ. რა უნდა გაითვალისწინოთ სიის შედგენისას:

1. შეარჩიეთ მოსაწესრიგებელი არეალი.

2. იფიქრეთ და ჩამოწერეთ ყველაფერი, რაც ამ არეალში უნდა გააკეთოთ.

3. დაყავით სია პატარა ამოცანებად იმის გათვალისწინებით, რომელს რამდენი დრო სჭირდება.

ეს სია დაგეხმარებათ სისტემურ მიდგომაში, რაც პოსტსადღესასწაულო დალაგების მთავარი გასაღებია. სისტემური მიდგომით გაცილებით უკეთეს შედეგს მიიღებთ და პროცესში დაბნეულობასა თუ არეულობას თავიდან აირიდებთ. ამასთან ერთად, თქვენ უკეთ დაიმახსოვრებთ, რომელი ნივთი სად განათავსეთ და სახლი მომავალშიც უფრო მოწესრიგებული იქნება.

როგორ მოვაწესრიგოთ ბინა?

დღესასწაულის შემდგომი დასუფთავება შეიძლება რთულ ამოცანად გესახებათ, მაგრამ ეს არის საშუალება ორგანიზებული სახლით დაიწყოთ ახალი წელი. თუ სწორად გადაანაწილებთ რესურსებს და საფუძვლიანად მოაწესრიგებთ სახლს, შემდეგი დალაგებები გაცილებით გაგიმარტივდებათ.

• დაიწყეთ საახალწლო დეკორაციის ჩამოხსნით და შეფუთვით. გაითვალისწინეთ წინა წლების გამოცდილება, როცა სახლის მორთვასის დაწყებისას გხვდებოდათ აბლანდული განათება, გაფუჭებული დეკორაციები და არეულობა. თუ ახლა უფრო ორგანიზებულად და ყურადღებით მოათავსებთ საახალწლო დეკორაციებს, შემდეგი წლისთვისაც გაიმარტივებთ საქმეს.
• დაათვალიერეთ სახლი, გადააწყვეთ მიღებული საჩუქრები და დაფიქრდით, რა გჭირდებათ და რას არ გამოიყენებთ? ძირითადად, პოსტსადღესასწაულო დალაგების მალე დასრულება გვსურს და ყველაფერს ერთიანად ვინახავთ ხოლმე. ეს შეცდომა აღარ დაუშვათ, კიდევ მეტი ნივთი დაგემატებათ და შემდეგში უფრო გაგირთულდებათ სახლის მოწესრიგება.
• ფოკუსირდით იმ ადგილებზე, სადაც სტუმრები იკრიბებოდნენ. ხშირად ამ ადგილებში ერთი შეხედვით შეუმჩნეველ ლაქებსა და მტვერს ისეთ დროს აღმოვაჩენთ ხოლმე, როცა დასალაგებლად აღარც გვცალია.

დამატებითი რჩევა: თუ მისალოცი ბარათები მიიღეთ გამოყენება შეგიძლიათ დეკორაციად, მაგალითად მაცივარზე დამაგრებით. შედეგად ლამაზ დეკორაციასთან ერთად ყოველი შეხედვისას სასიამოვნო განწყობას შეგიქმნით.

სამზარეულოს მოწესრიგება

სამზარეულოს ნებისმიერი დიდი დღესასწაულისას მნიშვნელოვანი როლი აქვს – გემრიელი, შესაფერისი კერძები! შესაბამისად, ახალი წლის აღნიშვნის შემდეგაც მოსაწესრიგებელი იქნება სამზარეულო. რაზე უნდა გაამახვილოთ ყურადღება სამზარეულოს დალაგებისას?

• სამზარეულოს დალაგების უმნიშვნელოვანესი ნაწილი მაცივრის მოწესრიგებაა. პირველ რიგში გამოალაგეთ მაცივრიდან ყველაფერი, რაც აღარ გამოგადგებათ გადაყარეთ და გამოასუფთავეთ. ახალი წლისთვის მომზადებული საკვები დიდი ხნის განმავლობაში რჩება ხოლმე მაცივრებში და დიდ ადგილს იკავებს. შეიძლება გაგიკვირდეთ კიდეც, როცა აღმოაჩენთ, რამხელა ადგილი ყოფილა თქვენს მაცივარში. მისი მოწესრიგება ყოველდღიური კომფორტისთვის აუცილებელია.
• დღესასწაულის დღეებში ჩვეულებრივზე მეტად გამოიყენება სამზარეულოს ტექნიკა. დაუთმეთ დრო, შეამოწმეთ თითოეული მოწყობილობა და საჭიროების შემთხვევაში სველი ქსოვილით გაწმინდეთ.
• საკვების დახარისხების, მაცივრისა და სხვა ტექნიკის გაწმენდის შემდეგ ჭურჭლის ჯერიც დგება. დღესასწაულის შემდეგ საკვების გარდა დიდი ხნით გვრჩება არასაჭირო ჭურჭელიც და რა თქმა უნდა, სამზარეულოში არეულობას იწვევს. სწორედ ამიტომ, არ დაგავიწყდეთ ჭურჭლის დახარისხება, გადაწყობა.

წყარო

#drpkhakadze