პირველი ნაძვისხე 1889 წელს თეთრ სახლში პრეზიდენტმა ბენჯამინ ჰარისონმა დადგა. იქამდე საახალწლო განწყობის შექმნა რეზიდენციაში რამდენიმე მინიმალური დეკორაციით შემოიფარგლებიდა. 1961 წლიდან თეთრი სახლის გრანდიოზულად მორთვა უკვე ტრადიციაა და მოქმედი პირველი ლედი ყოველ წელს ამშევენებს დარბაზს საახალწლო, თემატური დეკორაციებით.
დონალდ და მელანია ტრამპები 2020 წელს უკვე მეოთხე შობას ხვდებიან თეთრ სახლში. წლევანდელი თემა – “ლამაზი ამერიკაა”. წელს ხეებზე გარდაცვლილი გმირების სახელები დაკიდეს მათთვის პატივის მისაგებად. ქვეყანას ბევრი ბუნებრივი საოცრება გააჩნია და ეს დეკორაციები ამ გარემოებასც უსვამს ხაზს. რეზიდენციის შესასვლელში ტრადიციულად ოქროს ვარსკვლავიანი ნაძვის ხე დგას.
2018 წელს დონალდ და მელანია ტრამპებმა თეთრ სახლში მეორე შობა აღნიშნეს. ამ წლის თემა იყო “ამერიკული საგანძური” და მისი იდეა ამერიკის უნიკალური მემკვიდრეობა იყო. პირველი ლედის მიერ შექმნილი დეკორაციები პატრიოტიზმის სულისკვეთებით ანათებდა. ფოიეში 40-ზე მეტი ნაძვისხე დაიდგა.
2017 წელი ტრამპების ოჯახისთვის პირველი წელი იყო თეთრ სახლში. დეკორაციები პირველმა ლედიმ თემის მიხედვით მოაწყო. ამ წლის თემა იყო – “დროის დამსახურებული ტრადიციები”. ეს იყო პატივის მიგება 200 წლის განმავლობაში არსებული თეთრი სახლის სადღესასწაულო ტრადიციების მიმართ.
მადლიერების დღის მეორე დღეს, თეთრი სახლის ნაძვის ხის დადგმის დროს, რეზიდენციის საახალწლო მხიარულებას მთელი ქვეყანა იზიარებს. 2015 წელს, ბარაქ და მიშელ ობამას თეთრ სახლში ყოფნის მე-7 წელს, საშობაო დეკორაციების თემა იყო “მარადიული ტრადიციები” და დეკორაციების მოწყობას 5 დღე და 100-ზე მეტი მოხალისე დასჭირდა.
QR კოდი
სტატიის ციტირება
შენი ინტერიერი. (2020). როგორ იცვლებოდა თეთრი სახლის საშობაო დეკორაციები ბოლო წლებში. 15 დეკემბერი, 2020. https://sheniinterieri.ge/rogor-itsvleboda-tetri-sakhlis-sashobao-dekoratsiebi-bolo-tslebshi/
