აბაზანის დიზაინის 5 წესი

აბაზანის დიზაინის შექმნა ხშირად დიდ ძალისხმევას მოითხოვს. ხშრად ვცდილობთ მივყვეთ ისეთ წესებს, რომელიც მას უფრო ფუნქციურ და მშვიდ სივრცედ აქცევს. აქ ხშირად ორი არჩევანის წინაშე ვდეგბით: 1. მივყვეთ თანამედროვე ტენდენციებს; 2. მოვაწყოთ ჩვენი სურვილებისა და გემოვნების მიხედვით.

ინტერიერის დიზაინერი მილი ჰარტსის თქმით,შესაძლოა ყველა აბაზანა განსხვავებული იყოს, თუმცა, არსებობს საერთო ჭეშმარიტება, რასაც ყველა მათგანი მიჰყვება, ამასთან დაკავშირებით იგი რამდენიმე რჩევას გვიზიარებს:

1. გამოიყენე ცოტა არასააბაზანო ელემენტები

სასაიამოვნოა როცა აბაზანის მისაღებად მყუდრო სასიამოვნო ოთახში შედიხარ, სადაც შექმნილი გარემოს გამო – უამრავი პირსახოცის ნაცვლად მოხატული კედლები, დადებითად განგაწყობს.

ინტერიერის კიდევ ერთი დიზაინერი, სოფი კლემსონის მიხედვით კი პირსახოცი მხოლოდ საჭიროების დროსა და ადგილას უნდა მოათავსოთ, სხვა შემთხვევაში იგი ძველმოდურ იერს ქმნის.

2. მეტი სათავსოები

ცნობილი ფაქტია, რომ ყოველდღიურად თავის მოვლისთვის უამრავი პროდუქტია საჭირო. ამიტომ სააბაზანო სათავსოები ძალიანმნიშვნელოვანი და საჭირო ელემენტია. მოუხმეთ შთაგონებას და არჩევანი გააკეთეთ სივრცის მოგების თვალსაზრით შექმნილ სათავსოებზე.

3. შემოუშვით სინათლე

უამრავი სახლის სააბაზანოში სამწუხაროდ არ გვხვდება ფანჯრები, რაც ოთახის განათებისა და დანესტიანების პრობლემას ქმნის. ამ პრობლემის მოსაგვარებლად აუცილებლად უნდა შეაჩეროთ არჩევანი დიდ ფანჯარაზე, რომელიც არა მხოლოდ სინათლისა და სივრცის დაცვის წყაროა, ასევე რელაქსაციის კუთხით, გარე სამყაროსთან კავშირშიც დაგეხმარებათ.

4. ფოკალური წერტილი

ფოკალური წერტილი იგივე „ვაუ მომენტი” მნიშვნელოვანი ელემენტია თქვენს სააბაზანო დიზაინში. პირველ რიგში უნდა გადაწყვიტოთ,სად უნდა იყოს ეს წერტილი და შემდეგ უკვე ეს შეიძლება იყოს სინათლის წყარო, დიდი ხელოვნების ნიმუში ან უზარმაზარი ფანჯარა. თუ ერთი რომელიმე წერტილი ყურადღების ქვეშ მოექცევა, ყველა სხვა ელემენტიც უფრო მეტად შეერწყმევა ერთმანეთს.

5. ყურადღებით განალაგეთ ნივთები

პირველ რიგში ყველაზე ფუნქციურ ნივთებს მიაქციეთ ყურადღება და თქვენი სივრცის მიხედვით მიიღეთ გადაწყვეტილება. გახსოვდეთ, რაც უფრო მეტ ცარიელ ადგილ დავტოვებთ იატაკზე, სააბაზანო მით უფრო სივრცულ შთაბეჭდილებას დატოვებს.

#drpkhakadze #gochadze #sheniinterieri

წყარო:https://www.womanandhome.com/homes/bathroom-design-rules/

შენი ინტერიერის რედაქცია

შენი ინტერიერის სარედაქციო გუნდი — ინტერიერის დიზაინის, ავეჯის, არქიტექტურის, რემონტისა და ეზოს მოწყობის თემებზე. მთავარი რედაქტორი: პროფესორი გიორგი ფხაკაძე (MD, MPH, PhD). გამომცემელი: საქართველოს საზოგადოებრივი ჯანდაცვის ინსტიტუტი (PHIG), Sheni Network.

See Full Bio