როგორია მყუდრო და ოჯახური გარემო მუქი ფერებით

მუქი ფერების მოყვარულებს აუცილებლად მოეწონებათ სტატიაში ნაჩვენები აპარტამენტის ინტერიერი . მუქი ფერებითა და დახვეწილი ავეჯით , სწორი ხაზებითა და სასიამოვნო განათებით შექმნილი სიმყუდროვე აუცილებლად მიიპყრობს ყურადღებას . აპარტამენტის ვიზუალიზაცია და ინტერიერი რაფალ ჰანსკის ეკუთვნის.

აპარტამენტი  დახვეწილი , შავი , ნაცრისფერი და სპილენძისფერის ტანდემითა და თვალისმომჭრელი ხაზებითაა შექმნილი  . საერთო ოთახი L – ის ფორმისაა . დივანი შავი უსწორმასწორო ფილებით მოპირკეთებული კედლის პირდაპირ დგას . თვალში მოგხვდებათ მაგიდის თავზე დაკიდებული ორი დიდი სანათი , რომლებიც შეიძლება ოთახის მთავარ წერტილად ჩაითვალოს .

ფარდების ჩამოფარების შემდეგ ოთახი ბნელდება და მხოლოდ ინტერიერის გამორჩეული ნაწილები თბილი განათებით ნათდება, დივნის წინ არსებული დიდი ეკრანი კომფორტულ , მყუდრო და ოჯახურ გარემოს ქმნის ინტერიერში  და ილუმინაციის კიდევ ერთი წყაროს ფუნქციასაც ასრულებს .

სამზარეულოს ზონაში გამოყენებულია გლუვი მუქი ნაცრისფერი ზედაპირები, კედლებს თავისივე ფერის მოლდინგები გამორჩეულს ხდის . სპილენძისფერი სახელურები , ონკანი და მცენარეების დაკიდებული სადგამი აცოცხლებენ ავეჯს , მარმარილოს ზედაპირი კი მდიდრულობას სძენს გარემოს .

საძინებელ ოთახში შავი, ნაცრისფფერი და ბეჟი ფერებია . შავი ხის პანელები მრგვალი დაკიდებული სანათებითაა განათებული, ყურადღებას იქცევს სპილენძისფერი ტორშერი. საძინებლის ინტერიერი ჰარმონიაშია საერთო ოთახთან ფერებითა და გამოყენებული მასალებით .

#drpkhakadze #gochadze #sheniinterieri

წყაროhttps

შენი ინტერიერის რედაქცია

შენი ინტერიერის სარედაქციო გუნდი — ინტერიერის დიზაინის, ავეჯის, არქიტექტურის, რემონტისა და ეზოს მოწყობის თემებზე. მთავარი რედაქტორი: პროფესორი გიორგი ფხაკაძე (MD, MPH, PhD). გამომცემელი: საქართველოს საზოგადოებრივი ჯანდაცვის ინსტიტუტი (PHIG), Sheni Network.

READ  თანამედროვე მუქი ინტერიერი: ელეგანტურობა და დრამატულობა

See Full Bio