ფრედი მერკური ჯგუფი Queen-ის ლეგენდარული სოლისტია, რომელიც 1991 წელს გარდაიცვალა. იგი ბრიტანელი მომღერალი, კომპოზიტორი, პიანისტი და გიტარისტია.
ფრედი მერკურის სახლი 30 მილიონ ფუნტად არის შეფასებული – სასახლე, სადაც ფრედი მერკური ცხოვრობდა და სიცოცხლის ბოლო წლები გაატარა.
კენსინგტონში, ერთ მშვიდ და თითქმის შეუმჩნეველ ქუჩაზე, სახელწოდებით ლოგან–პლეისი, მდიდრული გეორგიანული სტილის სახლი დგას, რომელიც უზარმაზარი გალავნითაა გარშემორტყმული. აქ ყოველდღიურად მოდიან ადამიანები დედამიწის სხვადასხვა კუთხიდან, შესასვლელ კარზე ტოვებენ ფურცელზე დაწერილ შეტყობინებებს და მიდიან ისე, რომ ვერ ხედავ, რა არის გალავნის მიღმა.
მის უკან დგას უმშვენიერესი სახლი, რომელიც ფრედი მერკურს ეკუთვნის.
ფრედის გარდაცვალების შემდეგ სახლი მის ყოფილ საცოლეს დარჩა, რადგან მემკვიდრეობა ანდერძით მან ყოფილ საცოლესა და საუკეთესო მეგობარს დაუტოვა. თავდაპირველად მას სახლში მუზეუმის გაკეთება უნდოდა, მაგრამ მოგვიანებით გადაიფიქრა.
სახლის წინ ფრედის სურვილით გაშენებულია იაპონური ბაღი, რომელშიც დარგული ხეებისა და უზარმაზარი გალავნის წყალობით სახლი გარე სამყაროსგან ფაქტობრივად მოწყვეტილია.
ცნობილია, რომ მერი ცდილობს სახლში ყველაფერი ისე შინარჩუნოს, როგორც ფრედის დროს იყო. ანტიკვარული ნივთების ნაკრები, სურათები და ლუდოვიკო XV–ის დროინდელი ავეჯი.
მისი ფოტოები სათუთად ინახება ჩარჩოებში. მათ შორის ისინიც, სადაც წყვილი იმ პერიოდშია აღბეჭდილი, როცა ერთად ცხოვრობდა.
ვილა, რომელშიც ფრედი მერკური სიცოცხლის ბოლო წლები ცხოვრობდა, მინდობილი იყო რაინდ ფრანკზე, რომელმაც ის 30 მილიონ ფუნტ სტერლინგად (35 მილიონი ევროს ტოლი) შეაფასა. მალევე აუქციონი გაიმართა, სადაც Queen-ის დაუვიწყარი ფრონტმენის სამახსოვრო ნივთების გაყიდვით შეგროვდა 50 მილიონი დოლარი (რომლის ნაწილი გადავიდა Mercury Phoenix Trust-სა და Elton John AIDS Foundation-ზე).
Garden Lodge რამდენიმე კვირაა ცარიელია. შიგნით რჩება ფრედი მერკურისთვის ისეთი საყვარელი დეტალები, როგორიცაა გასახდელის არტ-დეკო სტილი და ლიმონისფერი ყვითელი კედლები.
”გეგმა იყო აუქციონის ჩატარება და შემდეგ სახლის გაყიდვაზე ფიქრი”, – თქვა მერი ოსტინმა. ”მე მივხვდი, რომ დრო დადგა ”. ქალი ახლა მარტო ცხოვრობს იმ სახლში. მისი შვილები შორს ცხოვრობენ და მან გადაწყვეტა ახალი ცხოვრებით იცხოვროს, იმდენად, რომ, მისი თქმით, ბლუმბერგისთვის მიცემული ინტერვიუ იქნება მისი ცხოვრების ბოლო ინტერვიუ.
