როგორ შევქმნათ ლამაზი ინტერიერი წიგნებით

როგორიც არ უნდა იყოს სახლი, მას ყოველთვის უხდება ბიბლიოთეკა. თუმცა  ბიბლიოთეკა მხოლოდ “წიგნების სათავსო” არაა – არსებობენ ადამიანები, რომლებიც ამ კუთხეს ძალიან დიდ ყურადღებას აქცევენ, რადგანაც იგი მათთვის განტვირთვისა და დასვენების სივრცეა.

იატაკიდან ჭერამდე წიგნები სახლის რომელიმე კუთხეში მშვენიერი ხერხია ბიბლიოთეკის მოსაწყობად. აუცილებლად გაითვალისწინეთ, რომ ასეთ კუთხეში ერთი ან ორი სკამი დაგჭირდებათ. აქვე ერთ რჩევას მოგცემთ:  დაკიდეთ ამ კუთხეში ხელოვნების ნიმუში, რათა სულ სხვაგვარი და ორიგინალური ელფერი მიანიჭოთ თქვენს საკითხავ კუთხეს.

გქონდეთ თანამედროვე ბიბლიოთეკა, სრულიადაც არაა რთული. საამისოდ მხოლოდ ხის მუქად შეღებვა და რამდენიმე თანამედროვე დიზაინობიექტი დაგჭირდებათ. ასეთი ობიექტი კი ამ კონკრეტულ ბიბლიოთეკაში ნაქსოვი სკამია, რომელიც სივრცეს მოდერნისტულ იერს ანიჭებს.

თუკი ბიბლიოთეკა არ გაქვთ, მაგრამ ძალიან გინდათ, რომ მსგავსი აურა შექმნათ თქვენს ინტერიერში, ამაში აუცილებლად დაგეხმარებათ კედლის ქაღალდი წიგნების პრინტით.

თუკი არ გაქვთ სივრცე საიმისოდ, რომ წიგნებს ცალკე ოთახი ან დიდი ზონა გამოუყოთ, შეგიძლიათ ისინი თქვენს საძინებელში განათავსოთ – მერე რა, თუ ეს უჩვეულოა, სამაგიეროდ, თქვენს ოთახს ბევრად უფრო მყუდროსა და ლამაზს  გახდით.

#drpkhakadze #gochadze #sheniinterieri

წყაროhttps://www.homeis.ge/bibliotekis-mockoba/

შენი ინტერიერის რედაქცია

შენი ინტერიერის სარედაქციო გუნდი — ინტერიერის დიზაინის, ავეჯის, არქიტექტურის, რემონტისა და ეზოს მოწყობის თემებზე. მთავარი რედაქტორი: პროფესორი გიორგი ფხაკაძე (MD, MPH, PhD). გამომცემელი: საქართველოს საზოგადოებრივი ჯანდაცვის ინსტიტუტი (PHIG), Sheni Network.

READ  საზაფხულო განწყობა საძინებელში

See Full Bio